Bubuh Moréng Basa Gedé saking Bali

·Bacaan 4 menit

Liputan6.com, Jakarta - Rikala alit-alitnyané sungkan, Ibu setata ngaryanin iraga makasami bubuh Moréng, “Titiang nyambatang bubuh ajaib, sayuakit sasampun telas ngajeng bubuh punika awak titian marasa luwungan,” ucap I Kadék Iwantara sané madué Bubuh Moréng ring wewidangan Kuta Selatan, rikala kawawancarain olih Health Liputan6.com, Anggara (7/9/2021).

Moréng pinaka bubuh khas Bali tepatnyané wewidangan Bukit Kuta Selatan rumasuk Jimbaran. Bubuh puniki kuliner warisan leluhur sané kakaryanin olih odah utawi ibu rikala alit-alitnyané rikala sungkan.

"Bubuh Moréng malakar saking makudang-kudang jejaton Bali sané berkhasiat. Kacampurang sareng jejanganan alami minakadi don kélor ngawinang moréng maguna pisan antuk Kesehatan tubuh. Sesampun kelih wawu tiang resep, khasiat rempah miwah don kélor punika pinaka genah keajaibannyané,” ujar ipun.

Keputusan pacang mengkomersilkan Bubuh Moréng iraga kawitin ngawit Desember 2017. Budi puniki kadorong olih kayun mangda khasiatnyané sané kaucap ajaib punika prasida karasayang olih akéh jadma. Kenjekan during akéh sané ngadol.

Don kélor pinaka the magic tree, sangkaning madué akéh kagunan kandungannyané minakadi anti oksidan anggé ngungkulin inflamasi, patut anggé ibu sané menyusui, ngabetang kadar kolesterol, ngungkulin diabetes, ngawinang becik pisan kakonsumsi anggé meningkatkan imun tubuh ring masan pandemi sekadi mangkin.

Artikel berbahasa daerah ini bagian dari program Liputan6.com

Keajaiban Basa Gedé (Mother Souce)

Kaparik saking makudang referensi buku falsafah kabudayan Bali, ring kuliner Bali kakenal istilah basa “basa gedé”, sané pinaka bumbu inti (mother sauce) saking konsep keseimbangan kosmos, utawi kaistilahang sareng Catur Pata.

Catur Pata kawujudang ring panentu petang unsur utama saking basa gedé utawi bumbu inti (mother sauce) punika. Kapetang unsur utama punika minakadi isén (laos), kunyit (kunir), jaé (jahé), miwah cekuh (kencur). Kapetang lakar puniki sané ngawinang ‘guru’ utawi pokok ring kabentuknyané basa gedé.Kapetang unsur utama punika kajangkepang antuk tigang unsur tambahan, duang unsur segara/laut, miwah siki unsur pengunci.

Yéning kakaitang antuk unsur kosmologi, isén (lengkuas) sane mawarna barak ngewakilang ulu kelod miwah pinaka Dewa Brahma. Kunyit (kunir) sané ngewakilang ulu kauh miwah pinaka representasi saking Dewa Mahadewa. Jaé (selem) ngewakilang ulu kaja sané pinaka representasi saking Dewa Wisnu. Cekuh (kencur) sané mawarna putih ngewakilang ulu kangin miwah pinaka representasi saking Dewa Iswara.Rikala ngadungang kapetang unsur utama niki, para empu masak khas Bali nénten nganggé skala timbangan apang uning akéh jumlah ring soang-soang, nanging nganggé jeriji lima.

Indik pembagiannyané inggih punika: linjong anggé isén (lengkuas), tujuh anggé kunyit (kunir), jeriji manis anggé jaé, miwah kacing anggé cekuh (kencur).Sasampun ngamolihang jumlah sakin kapetang unsur ring ajeng, atenga saking jumlah gabungan lakar-lakar punika pinaka akéh jumlah saking bawang (bawang merah).

Atenga saking akéh bawang inggih punika besaran kesuna sané kaperluang. Selanturnyané, atenga saking akéh kesuna pinaka jumlah saking akéh tabia. Atenga akéh saking tabia, pinaka jumlah akéh saking jejaton (rempah-rempah). Kutus unsur ring ajeng pinaka perwakilan saking gunung, nanging uyah miwah sera pinaka perwakilan saking segara.

Mawinan ka-dasa unsur gabungan punika pinaka lambing patemon giri sareng segara, maskulin sareng feminim. Antuk takaran ring ajeng, puniki pinaka tanda kuliner Bali madué akéh rempah, miwah prasida kajugjugin rasanyané biasanyané lalah (spicy).

Menawita ageng puniki sanget kapengaruhang olih keyakinan Siwa-Buddha sané maorientasi ring Dewa Bairawa sané panes (spicy). Saking carita puniki selanturnyané iraga uning nyambatang Belawa anggé juru masak, sané pungkuran ngelimbak dados Bé Lawar. Lantas wénten salah kaprah, Lawar dados kasambatang antuk soroh ajengannyané, nénten pengolahannyané.

Satua Ring Durin Bubuh Moréng Ajaib

Dasa tiban langkungnyané magerak ring dunia perhotelan, ngawit saking daily worker (makarya awaian) ring banquet, steward neked ka posisi In Room Dining & Banquet Manager, ngawinang Iwan makeneh ngelaksanayang ngisngis sané anyar. Selanturnyané ring 15 Desember 2017, Iwan sareng istrinyané ngamutusang pacang ngawitang utsaha kecil-kecilan.

Kakawitin antuk keneh pacang ngelestariang warisan kuliner leluhur miwah kawéntenan Moréng pinaka ajengan khas Bali Selatan puniki durung kauningin kabuktiang antuk kari kapah katemonin ring wewidangannyané.

Pajalanné taler kakawitin ring malajah cara ngolah sareng Ibu. Iraga ngawit saking nanjenin ka warung miwah pasar rikala semengan. Sabilang wai, iraga nyiapang Bubuh Moréng ngawit galah 4 ngedas rahina. Makudang eksperimen iraga entasin, kegagalan sané maulang nénten ngilangang keneh iragané. Iraga nanjénang 20 porsi, tuah payu 4 porsi, perjuangan ngerereh bahan baku don kélor, nyantos insiden tangan sané melepuh keni panasné bubuh tetep iraga jalanin antuk rasa syukur.

Mangkin, iraga makasami sampun ngamolihang ritme kerja angge nyaga kualitas Bubuh Moréng iraga. Lianan Bubuh Moréng Bali iraga taler mulai ngolah don kélor dados téh don kélor, bubuk don kélor miwah iraga madué rencana ngaryanin masker don kélor.

“Astungkara nyantos rahinané mangkin sampun 3 outlet iraga mabukak, Bli. Wénten ring Pasar Taman Griya, Pasar Désa Jimbaran miwah Pasar nampek sareng GWK Bali. Dumugi bénjang pungkur Bubuh Moréng prasida nyebar ring Nusantara,” ujarnyané santep.

Simak video pilihan berikut ini:

Tujuan kami adalah menciptakan tempat yang aman dan menarik bagi pengguna untuk terhubung melalui minat dan kegemaran. Untuk meningkatkan pengalaman komunitas, kami menangguhkan sementara fitur komentar artikel