Labet Hoaks miwah Plagiarisme, Pamréntah Katunas Ngutsahayang Pinih Becik Indik Perpustakaan Digital

·Bacaan 2 menit

Liputan6.com, Jakarta - Ketua Umum Gerakan Nasional Literasi Digital (GNLD) Siberkreasi, Kementrian Komunikasi miwah Informatika (Kominfo), Yosi Mokalu midartayang kawéntenan perpustakaan mabuat pisan rikala nincapang literasi digital anggén nglabet hoaks miwah plagiarisme.

Kelemahan utawi gegelikan teknologi digital inggih punika informasi sané kawedar akéh sané durung terverifikasi. Ngambahin gegelikan punika, warganet patut pradang rikala ngerereh informasi sané valid. Silih sinunggil utsaha nglabet hoaks miwah informasi sané durung terverifikasi punika kawedar, ngambahin kawéntenan perpustakaan.

"Perpustakaan punika genah sané tengahnyané wénten akéh informasi sané sampun kasaring miwah prasida kakatégoriang valid,” ujar Yosi, kaketus saking Antara.

Yosi nyagerang mangdané pamréntah Indonesia prasida ngalakang Perpustakaan Digital, pinaka silih sinunggil tindak nglabet hoaks ring gumi digital.

Pikenoh lianan perpustakaan digital inggih punika pinaka sarana nglabet plagiarisme. Yosi nyobiahang krama utawi masyarakat prasida aluh nyingakin napiké tulisan anyar utawi tulisan sané sampun wénten sadurungnyané ngambahin perpustakaan digital.

"Yéning konvensional iraga kari ngrereh praraga indik penelitian sané prasida kadadiang referensi miwah apang nénten makarya penelitian sané sampun wénten sadurungnyané, punika pinaka conto. Yéning ring digital nénten sukil, iraga tuah nyelepang kata kunci kemanten," ujar Yosi.

"Dadosnyané tamtamang titiang, dumugi bénjang pungkur Indonesia madué perpustakaan digital sané datanyané sampun becik miwah sampun akurat pesan," ujar Yosi.

Artikel berbahasa daerah ini bagian dari program Liputan6.com memerangi hoaks.

* Untuk mengetahui kebenaran informasi yang beredar, silakan WhatsApp ke nomor 0811 9787 670 hanya dengan ketik kata kunci yang diinginkan.

Indik Cek Fakta Liputan6.com

Nangkepin hoaks pateh tekéning nangkepin katambetan. Punika sané ngadasarin iraga makarya Kanal Cek Fakta Liputan6.com ring 2018 miwah nyantos mangkin aktif ngicénin literasi media ring akéh krama.

Ngawit 02 Juli 2018, Cek Fakta Liputan6.com magabung ring International Fact Checking Network (IFCN) miwah dados partner Facebook. Cek Fakta Liputan6.com taler baga saking inisiatif cekfakta.com.

Yéning Ida dané madué informasi indik hoaks sané kayun kalaadang miwah verifikasi, rarisang kawekasang ring email cekfakta.liputan6@kly.id

Kayun gelis ngamolihang pasaur utawi informasi? Selaitin Chatbot WhatsApp Liputan6 Cek Fakta ring 0811-9787-670 utawi klik tautan puniki.

Simak video pilihan berikut ini:

Tujuan kami adalah menciptakan tempat yang aman dan menarik bagi pengguna untuk terhubung melalui minat dan kegemaran. Untuk meningkatkan pengalaman komunitas, kami menangguhkan sementara fitur komentar artikel