Melajah Berbagi tekéning Sesamén Sareng Komunitas Satu Hati Bali

·Bacaan 2 menit

Liputan6.com, Jakarta - I Kadek Sukamara, putra kelahiran Buleleng, Bali madué pandangan sané malianan ring idupnyané. Ipun ten kayun sekadar nyalanang idup sané monoton sangkaning nika sané ngawinang bosan utawi med. Yéning inargamayang pinaka ngantosang mati, ten prasida maguna napi majeng ring sesamén.

Ngawit saking acara reuni SMA Negeri Seririt Bali Angkatan 1999, Komunitas Satu Hati puniki maréka. Tepatnyané ring 8 Mei 2016, semangat berbagi taler kepekaan sosial ngangsan memacu semangat ipun makasami peduli ring sesamén.

Ngawitnyané, pembagian sembako tuah anggé krama sekitar, selanturnyané nglimbak tur ngeluas saking kabupaten ka kabupaten.

Kegiatan puniki rutin kalaksanayang abulan cepok. Dugas kawéntenan pandemi Covid-19 ngawit awal tahun 2020, volume pembagian sané sadurungnyané acepok abulan ngangsan nincap.

“Mangkin titiang makasami taler para donator miwah relawan langsung matemu sareng krama sané terdampak pacang ngebagiang nasi bungkus miwah sembako,” ujar anak lanang sané akrab kasapa Pak Kadek majeng Liputan6.com, Redité (5/9/2021).

Mabekel informasi saking relawan sané kasebar ring 9 Kabupaten ring Bali, ipun samian napetang sasaran pembagian sané patut. Ketua sané taler penggagas Komunitas Satu Hati, I Kadek Sukamara, matur suksma banget indik kerelaan hati taler para donator sané satya tur setata ngicénin dukungan majeng ring program berbagi sané kakaryanin ipun sareng rekan-rekan komunitas.

“Indik support prabéa, iraga sami kawantu olih makudang-kudang pihak, inggih punika saking Sagha Oil, Yayasan Dharma Bakti Krisna, Norwegian Seafareres Union (NSU), Dharma Baruna NCL, Forum Hindu Telkomsel, miwah satusan donator umum miwah donator bulanan anggé ngewantu pianak asuh iraga sami,” ujarnyané.

* Untuk mengetahui kebenaran informasi yang beredar, silakan WhatsApp ke nomor 0811 9787 670 hanya dengan ketik kata kunci yang diinginkan.

Sekolahang alit-alité

Nénten ring Pulau Bali manten, komunitas puniki taler naenang berbagi ka Jawa Timur, Palu Sulawesi Tengah ngambahin relawan sané wénten irikaMangkin, ngambahin program anak asuh, Komunitas Satu Hati madué 160 data penerima, madaging 55 lansia sané kaicénin dana sembako Rp. 200.000 miwah 105 anak yatim piatu sané kari ring bangku sekolah kawantu dana Pendidikan bulanan per anak ngawit saking Rp. 250.000 nganti Rp. 400.000

“Titiang ngarepang alit-alité punika prasida ngamolihang ijazah sekolah, pungkur wekas prasida nulungin reramanyané ngamolihang kauripan sané becik,” ujarnyané banban.Pihaknyané patut bertanggung jawab penuh indik amanah prabéa sané mapupul. Laporan indik jinah taler bersifat terbuka tur rinciannyané becik ka soang-soang donator miwah ngambahin laman media sosial Komunitas Satu Hati. Nika pinaka bentuk penghargaan majeng ring pigugu para donator sané satya berbagi.

Rikala pandemi utamanyané ngawit pemberlakuan PPKM, pihaknyané matesang jumlah relevan anggén mengantisipasi kerumunan sané kapiidin ngehambat proses dumduman wantuan.

“Kagiatan titiang makasami iriki sadurungnyané polih pacang katunggangin pihak-pihak sané madué kapentingan, ngawit saking ipun para calon leglislatif sané pacang ngerereh atensi public, oknum, ngantos ipun sané kémaon show off,” ipun nyambatang.Keneh sané becik, ujar Kadek, kagét kari kamanfaatang pihak-pihak luar anggé nguwugin niat punika.

Lémpas saking makasami punika, Komunitas Satu Hati milih fokus ring napi sané dados tetujon utamanyané inggih punika berbagi. “Manut ring pikayunan titiang makasami, kenyem sané sreda olih ipun makasami ngawinang idup puniki sayan maarti,” ipun ngujarang.

Saksikan Video Pilihan Berikut Ini:

Tujuan kami adalah menciptakan tempat yang aman dan menarik bagi pengguna untuk terhubung melalui minat dan kegemaran. Untuk meningkatkan pengalaman komunitas, kami menangguhkan sementara fitur komentar artikel