Téh Kélor Moréng Bali, Filosofi Sehat saking Akantong Téh

·Bacaan 4 menit

Liputan6.com, Jakarta - Téh Kélor Moréng Bali, pinaka produk pinih anyar sané kahasilang I Kadek Iwantara sareng istri. Ten wusan nganti olahan bubuh Moréng, mangkin ipun makasami berinovasi taler ngolah kélor dados téh.

Khas smoky flavor (Rasa sané maasep) ngawinang téh puniki madué tampilan béda.Ngawit kawéntenannyané sawatara Pebruari warsa 2020 téh puniki kaicénin label dagang Moringa Tea. Nanging, ipun makasami nyutetang ngubah dados Téh Kélor Moréng Bali sawatara awal 2021. Nénten tanpa tetujon, adan punika kagentos mangda ngeleketang imaji pelanggan indik Moréng Bali tampil ring makudang varian pangan inggih punika bubuh miwah téh herbal.

“Titiang madué cita-cita pungkur wekas Téh Kélor Moréng puniki kapinang wisatawan pinaka oléh-oléh khas Bali,” ucapnyané rikala kawawancarain sareng Liputan6.com, Redité (26/09/21).

* Untuk mengetahui kebenaran informasi yang beredar, silakan WhatsApp ke nomor 0811 9787 670 hanya dengan ketik kata kunci yang diinginkan.

Awal Mula Proses Téh Kélor

Produk téh puniki ngambahin proses sané maulang. Tahap pengeringan biasanyané maujung gagal. Ngawit saking pengeringan sané wantah ngandelang matan ai nganti pengeringan sané ngaduang proses pengovenan.Makudang trial error kaambahin nganti seken-seken ngamolihang standar kering sané patut anggén téh punika. Ten wusan nganti proses pengeringan, proses kalanturang ka tahap pengemasan (packaging).

Gerilya ngerereh pemasok (supplier) sané madué standar foodgrade khusus anggé ngaryanin kanton téh, nganti ngaryanin desain kemasan. Tahapan sané kaanggep krusial olih Iwan tuah mangda ngaripta kesan sané becik ring ati para konsumennyané.

Kawigunan miwah Testimoni Konsumen Téh Kélor MoréngThe magic tree puniki madué ragam kawigunan. Makudang pelanggan ngemaosang indik pengalamannyané rikala mengonsumsi. Wénten sané nyambatang tekanan darahnyané prasida normal, kesemutan rikala metangi dados ngabedikang, ngelancarang proses detofifikasi miwah prasida nyaga imunitas raga ring masan pandemi sekadi mangkin.

“Sesampun nginem téh puniki, titiang polih diare, feses éncéh. Nanging, makudang dina sesampuné awak marasa becik utamanyané kondisi waduk. Miribang wénten proses detoks, Pak,” ucap Chef Agung Arnawa, konsumen téh kélor ngambahin pesan singkat majeng Iwan.

Malianan tekén papineh saking Agung Bawartha, seorang Tea Mixologist miwah pemenang Dilmah Tea Mixology tingkat dunia sané ngakuin taste Téh Kélor Moréng gelah Iwan wénten ring Premium Class.

“Premium Class tea puniki, Wan. Titiang campur seré dados sayan mantap,” ujarnyané ngambahin pesan sané katulis majeng Iwan sambilang muji produk Moréng.

Wénten malih Ibu Dwik Septiari sané ngerasayang kondisi gula darah Ibu Mertuanyané sayan stabil sasampun rutin nginem téh kélor gelah Iwan.Pateh tekéning Ibu Ayu Karang sané nyekenang Ibu Mertuanyané tén taén ngeluhang sungkan ring cokornyané sasampun rajin nginem téh kélor.

Kemasan Téh Kélor Moréng Bali
Kemasan Téh Kélor Moréng Bali

Sertifikat Halal, Prakara Pemasaran Produk

Sertifikat Halal

Anggé nyiapang promosi ka pasar sané lebih luas, produk Téh Kélor Moréng Bali puniki sampun tersertifikasi halal olih MUI.

Prakara Pemasaran Produk

Yéning ingetang produk puniki kari ring skala kecil utawi rumahan, ngawinang Iwan sareng Lisa durung purun memasarkan ka cakupan sané lebih luas minakadi marketplace. Risedek mangkin ipun mempromosikan ngambahin akun media sosial miwah door to door.

Indik puniki Iwan sareng Istri ngaptiang prasida ngamolihang wantuan saking pihak terkait minakadi Dinas Perdagangan. UMKM sekadi niki memerlukan binaan ngawit saking cara memproduksi, pengemasan sané efektif mangda prasida ngasilang produk sané akéh antuk kualitas sané tetep terjaga.

Puniki pateh sareng pangabdinnyané apang Téh Kélor dados pilihan gagapan saking tengah nganti ka pulo ring seberang.

Téh Kélor Moréng Bali
Téh Kélor Moréng Bali

Tindak Inovasi Sang Sané Nuénang

Kapineh olih Iwan pacang nyajiang téh ring bentuk cold drink. Pendekatan puniki pacang ngawinang Téh Kélor gelahnyané prasida merambahi lidah anak milenial sané biasané seneng ring penyajian dingin tur seger.

Selanturnyané Iwan ngadanin nika Es Téh Moréng Bali.Filosofi Kemasan Téh Kélor Moréng BaliKemasan Téh Kélor Moréng Bali nganggé konsep Triangle “Tri Hita Karana” Yéning kadadosang siki prasida bertransformasi dados prisma, uli cenik nganti gedé tur mapiteh. Madué lambang utsahanyané sané setata ngelimbak miwah mapiteh ten wusan.

Visi miwah Misi Produk Téh Kélor Moréng Bali

VISI

“Ngedadosang Moréng Bali pinaka Punyan Kélor” sané prasida gelis mentik yadiastun wénten ring genah sané kering, taler sané maarti ngelimbaknyané bisnis ring sekancan kondisi (business grow fast), madué cabang sané akéh (become worldwide franchise), yéning carangnyané kagetep utawi lung, pacang mentik malih akéh cabang ring carang sané lung punika (spirit never give up), saking akah, carang, kulit, don, batun miwah buah kélor samian maguna ring mahluk idup (Serve the world with kindness, charity and giving).

MISI

“Ngaénang produk-produk Moréng Bali sekadi Panca Pandawa”

NAKULA – Mapenampilan nudur, sekadi kemasan (packaging) sané nudutin.

SADEWA – Madué ilmu tinggi, pradnyan (educated).

ARJUNA – Tepet sasaran (Targeted marker segments).

BIMA – Kuat (nyegerang makudang penyakit miwah ngemecahang prakara).

YUDISTIRA – Pragiwaka tur mengayomi (katerima ring samian lapisan masyarakat).

“Ipun makasami sané makta budal Téh Kélor Moréng Bali, nénten ja makta manfaat manten, nanging taler nyarengin filosofi ring tengahnyané,” pungkas Iwan optimis.

Tujuan kami adalah menciptakan tempat yang aman dan menarik bagi pengguna untuk terhubung melalui minat dan kegemaran. Untuk meningkatkan pengalaman komunitas, kami menangguhkan sementara fitur komentar artikel